நீங்கள் தேடியது "பார்த்தீவ் பட்டேல்"

சென்னை:

இந்தியா- வெஸ்ட் இண்டீஸ் அணிகள் இடையேயான கிரிக்கெட் தொடர் நவம்பர் 11-ந்தேதியுடன் முடிவடைகிறது.

அதை தொடர்ந்து இந்திய அணி ஆஸ்திரேலியா சென்று மூன்று 20 ஓவர் போட்டி, 4 டெஸ்ட் மற்றும் 3 ஒருநாள் போட்டிகளில் விளையாடுகிறது.

இதன் 20 ஓவர் மற்றும் டெஸ்ட் போட்டிக்கான இந்திய அணி அறிவிக்கப்பட்டது. டெஸ்ட் அணியில் ரோகித்சர்மாவுக்கு மீண்டும் வாய்ப்பு வழங்கப்பட்டது.

31 வயதான அவர் தென்ஆப்பிரிக்கா தொடருக்கு பிறகு அணியில் இருந்து கழற்றிவிடப்பட்டார். இங்கிலாந்து, வெஸ்ட்இண்டீஸ் தொடரில் விளையாடவில்லை. தற்போது ஆஸ்திரேலிய தொடரில் வாய்ப்பு வழங்கப்பட்டுள்ளது.

இதேபோல தமிழக வீரர் முரளிவிஜய்க்கும் டெஸ்ட் அணியில் மீண்டும் இடம் கிடைத்துள்ளது. வெஸ்ட்இண்டீஸ் டெஸ்ட் தொடரில் இருந்து அவர் நீக்கப்பட்டு இருந்தார்.

மற்றொரு தொடக்க வீரரான தவான் தொடர்ந்து ஓரங்கப்பட்டார். இதேபோல அணியின் 2-வது விக்கெட் கீப்பரான பார்த்தீவ் பட்டேல் சேர்க்கப்பட்டுள்ளார். 33 வயதான அவர் கடைசியாக தென்ஆப்பிரிக்காவுக்கு எதிராக கடந்த ஜனவரி மாதம் டெஸ்டில் ஆடினார். 11 பேர் கொண்ட அணியில் அவர் இடம் பெறுவது கடினமே.

ஆஸ்திரேலியாவுக்கு எதிரான டெஸ்ட் தொடரில் விளையாடும் இந்திய அணி வருமாறு :-

விராட்கோலி (கேப்டன்), ரகானே (துணை கேப்டன்), லோகேஷ் ராகுல், பிரித்விஷா, முரளிவிஜய், புஜாரா, ரோகித்சர்மா, ஹனுமா விகாரி, ரிசப் பந்த், ரவிந்திர ஜடேஜா, அஸ்வின், பும்ரா, குல்தீப் யாதவ், முகமது‌சமி, உமேஷ்யாதவ், புவனேஷ்வர் குமார், பார்த்தீவ் படேல், இஷாந்த் சர்மா.

ஆஸ்திரேலியாவுக்கு எதிரான 20 ஓவர் போட்டித் தொடர் நவம்பர் 21-ந்தேதியும், டெஸ்ட் தொடர் டிசம்பர் 6-ந்தேதியும் தொடங்குகிறது. #AUSvIND #RohitSharma #ParthivPatel